Симпозиум туралы
Түркілер – бүгінде әлемнің кең жағрафиясында өмір сүріп жатқан ежелгі халық. Көптеген мемлекеттердің негізін қалаған түркі ұлты тарихтың әр дәуірінде бастаушы болып, көптеген өркениеттердің құрылуына, дамуына және сақталуына мұрындық болды. Тарихымызға үңіле қарағанымызда осынау алқапта тараған түркілер табиғи түрде бай мәдени мұраны қалыптастырды. Бүгінде сол ата жолының ізмен кел жатқан Түркі Республикалары мәдени тұрғыдан да өзара қарым-қатынастарының тыныс-тіршіліктерін жалғастырып келеді.
Соңғы уақытта көптеген салаларда түркі мемлекеттері арасында етене араласып, жақындасу байқалады. Түрік Мемлекеттері Ұйымы аясында дамып келе жатқан бұл қарым-қатынастардың ең маңызды тіректерінің бірі мәдениет және өнер салаларындағы жақындасу болып табылады. Ортақ тарихқа негізделген бұл қарым-қатынаста әдебиет пен өнер де түркі жұртшылығына деген сезімдері мен ойларының ұлттық жиынтығы болып табылады. Тарихтан өз орнын алған Осман империясы және кеңестік мемлекеттік жүйенің таралуы, түркілердің ұзақ уақыт үзілген қарым-қатынастарының қайта үдеуі де тарихи мағынада болашақты уәде етеді. Бұл жақындасуға түрік мемлекеттері арасында бірлескен мәдени және академиялық зерттеулер жүргізу арқылы нақты түрде қол жеткізуге болады. Түркі әлемі арасында жүзеге асырылатын ортақ жобалар мен ұйымдастырылатын бірлескен конгресс/симпозиум шаралары түркі мәдениетіне үлес қосып қана қоймай, ғалымдардың басын қосу арқылы жаңа жобалардың іске асуына және мәдени алмасулардың жеделдетілуіне себеп болады.
Түркі әлеміндегі бұл жақындасудың бұдан да берік негізде жүзеге асуы үшін жаңару кезеңіндегі интеллектуалдық қозғалыстарға, әдебиет, өнер және мәдени өзгерістерге шындап тоқталу қажет. Өйткені батыспен құрылған алғашқы байланыстар мен тығыз қарым-қатынастар бүгінгі түркі әлемінің мәдени-тарихи түрленуіне елеулі әсер етуде. Осы орайда түркі жұртшылығы, әсіресе пікір, әдебиет, өнер, тарих және мәдениет әлеміндегі жаңашылдық қозғалыстардың ықпалын өзара зерттеп, бұл тұрғыда түркі мемлекеттері арасында бірлескен зерттеулер жүргізу қажет. Осы мақсатқа жету жолындағы қадамдардың бірі ретінде 29-31 мамырда Қожа Ахмет Ясауи атындағы Халықаралық қазақ-түрік университеті мен Ван Юүзүнжү Йыл университетінің мүдделі тараптары болып табылатын «ТҮРКІ ӘЛЕМІНІҢ ЖАҢАРУ КЕЗЕҢІНДЕГІ ИНТЕЛЕКТУАЛДЫҚ ҚОЗҒАЛЫСТАРЫНЫҢ ХАЛЫҚАРАЛЫҚ СИМПОЗИУМЫН» ұйымдастыру тиімді болмақ.